Gal 6 | HnaULB | STEP | Nɔvinusuwo ,ne evaeme be ameɖe je agɔa , miawo kele gbɔgbɔ mea fiɔɛ nu le gbɔgbɔ blɛwu me. Mi dro mia nɔnɔwo b’e agba.

Galatians 6

1 Nɔvinusuwo ,ne evaeme be ameɖe je agɔa , miawo kele gbɔgbɔ mea fiɔɛ nu le gbɔgbɔ blɛwu me. Mi dro mia nɔnɔwo b’e agba. 2 nenea ye mi la wɔɖo Kristo be sea ji.

3 Ne ameɖe susu be yea nyi enuɖe, vɔa mu nyi enuɖekpe’oa, ele flu yeɖokoe. 4 Amesiame ne do yeŋutɔ be dɔwɔwɔ kpɔ,eye e la ɖo enuɖe le yeŋtɔ la kafu, ke ma sɔ yeɖokoe kuɖo amebu ŋti’o. 5 Ɖoa amesiame la dro yeŋutɔ bea gba.

6 Ameke wo le fiɔ enyaa ɖo la ma enunyuɛ sia enu nyuɛ kudo nufiɔtɔ’a. 7 Mi mu gba ble miaɖokoe’o, o mu kona Mawu’o. Nuɖekpekpe ke agbetɔ la doa e la ŋɛ . 8 Ameke dona enu le ŋutila mea e la ya gbegble le ŋtila me ,vɔa ameke dona enu le gbɔgbɔ mea e la ya agbemavɔ le gbɔgbɔ me.

9 Enu mu gba tikɔ na mi le enyuɛ wɔwɔ me’o, ɖo le gapopo nyuɛ tɔa mea mi la ya enunyuɛ keawo ne mi mu gba gbɔjɔ’o. 10 Yeŋutia mi ɖo mɔnukpɔkpɔ la wɔ nyuɛn’amesiame, vevetɔa amekewo le xɔse me ku mi.

11 Mi kpɔ alɔnu gaga kewo nyeŋutɔ mu sɔ ape asi ŋlɔ ɖoɖa mia ɖa. 12 Ame kewo jro la ze le ŋutila mea,woawo ye le zi mia ji be mia sihuɛ,ɖo ekea ŋti kpo be,wo mu gba ti woa yome do Kristo be atisoga ta’o. 13 Do ame kewo sihuɛa ŋtɔ ca mu kpɔna esea ji’o,voa wo jro be mia si huɛ,ne woa yigo le miabe ŋtila me.

14 Mu gba jɔ dojinye be ma yi go’o ne mu nyi mia Tɔhonɔ Yesu Kristo be atisoga ɖeka ŋti kpoe, ke ye ji wo to so klaa xixe ɖo ŋtinye eye nye ca do xixea ŋti. 15 Ɖo vo soso alo vo masoso mu nyi enu ɖekpekpe’o vɔa a trɔzu ameyea ye le veveɖe. 16 Neneake amekewo wɔ ɖo ese wua jia,ŋtifafa kudo ŋusisi kuku la nɔ wua ji eye wɔa nɔ Israel Mawutɔa ji.

17 So fifi sɔ yia amedekpe mu gba donupo na mu ke’o do mu sɔ Yesu be abikpaawo do ŋti nye.

18 Maje ke so mia Tɔhonɔ Jesu Kristo gbo’a ne nɔ ku miabe gbɔgbɔ, nɔvi nusuwo.Amen